IV.

Die Chronica van der hilliger Stat van Coellen. A. D. MCCCLXXIV. fol. 277. Coellen, 1499. fol.

In dem seluen iair stonde eyn groisse kranckheit vp vnder den mynschen, ind was doch niet vill me gesyen dese selue kranckheit vur off nae ind quam van natuerlichen ursachen as die meyster schrijnen, ind noemen Sij maniam, dat is raserie off unsynnicheit. Ind vill lude beyde man ind frauwen junck ind alt hadden die kranckheit. Ind gyngen vyss huyss ind hoff, dat deden ouch junge meyde, die verliessen yr alderen, vrunde ind maege ind lantschaff. Disse vurss mynschen zo etzlichen tzijden as Sij die kranckheit anstiesse, so hadden Sij eyn wonderlich bewegung yrre lychamen. Sij gauen vyss kryschende vnd grusame stymme, ind mit dem wurpen Sij sich haestlich up die erden, vnd gyngen liggen up yren rugge, ind beyde man ind vrauwen moist men vmb yren buych ind vmp lenden gurdelen vnd kneuelen mit twelen vnd mit starcken breyden benden, asso stijff vnd harte als men mochte.

Item asso gegurt mit den twelen dantzten Sij in kyrchen ind in clusen ind vp allen gewijeden steden. As Sij dantzten, so sprungen Sij allit vp ind rieffen, _Here sent Johan, so so, vrisch ind vro here sent Johan_.

Item die ghene die die kranckheit hadden wurden gemeynlichen gesunt bynnen. VV. dagen. Zom lesten geschiede vill bouerie vnd droch dae mit. Eyndeyll naemen sich an dat Sij kranck weren. vp dat Sij mochten gelt dae durch bedelen. Die anderen vinsden sich kranck vp dat Sij mochten vnkuyschheit bedrijuen mit den vrauwen. jnd gyngen durch alle lant ind dreuen vill bouerie. Doch zo lesten brach idt vyss ind wurden verdreuen vyss den landen. Die selue dentzer quamen ouch zo Coellen tusschen tzwen vnser lieuen frauwen missen Assumptionis ind Natiuitatis.