I.

O this is no my ain lassie, Fair tho' the lassie be; O weel ken I my ain lassie, Kind love is in her e'e. I see a form, I see a face, Ye weel may wi' the fairest place: It wants, to me, the witching grace, The kind love that's in her e'e.

She's bonnie, blooming, straight, and tall, And lang has had my heart in thrall; And ay it charms my very saul, The kind love that's in her e'e.

A thief sae pawkie is my Jean, To steal a blink, by a' unseen; But gleg as light are lovers' een, When kind love is in the e'e.