III.

To lie in kilns and barns at e'en When banes are craz'd, and bluid is thin, Is, doubtless, great distress! Yet then content could make us blest; Ev'n then, sometimes we'd snatch a taste O' truest happiness. The honest heart that's free frae a' Intended fraud or guile, However Fortune kick the ba', Has ay some cause to smile: And mind still, you'll find still, A comfort this nae sma'; Nae mair then, we'll care then, Nae farther we can fa'.